Святой праведный Иоанн Кронштадтский

Святой праведный отец Иоанн Кронштадтский (Иван Ильич Сергиев) родился 19 октября 1829 г. (ст. ст.) или 1 ноября по н.ст. в селе Сура Пинежского уезда Архангельской губернии в семье причетника (дьячка), предки которого священствовали примерно около трех веков. Ребенок родился очень слабым, родители не надеялись, что он выживет, и сразу же при рождении крестили с именем празднуемого в этот день болгарского святого X в. прп. Иоанна Рыльского.

Окончил Архангельское приходское училище (1839-1845), в 1851 г. – с отличием Архангельскую Духовную семинарию и поступил в Санкт-Петербургскую Духовную академию «казеннокоштным студентом». В том же году скончался его отец, и Иоанн, обучаясь в Академии, стал исполнять должность письмоводителя, свое небольшое жалование отсылая матери и сестрам. Студентом Иоанн мечтал принять монашество и стать миссионером на востоке страны, однако в дальнейшем изменил решение, посвятив свою жизнь возвращению ко Христу отошедших от веры жителей столицы и ее окрестностей.

Незадолго до окончания обучения Иоанн женился на Елизавете Константиновне Несвицкой, дочери ключаря Андреевского собора г. Кронштадта, уговорив ее вести целомудренную жизнь. Летом 1855 г. Иоанн получил степень кандидата богословия за работу «О Кресте Христовом в обличие мнимых старообрядцев». 12 декабря 1855 г. в Санкт-Петербургском Петропавловском соборе епископом Ревельским Христофором (Эммауским) он был рукоположен во священники Андреевского собора Кронштадта. В течение всех лет священнического служения о. Иоанн почти каждый день совершал Божественную литургию в соборе, а в последние 35 лет жизни служил ежедневно (последний раз – 9 декабря 1908 г.). 26 апреля 1875 г. он был возведен в сан протоиерея, с 8 февраля 1895 г. до своей кончины являлся настоятелем Андреевского собора.

С 1857 г. отец Иоанн – законоучитель в Кронштадтском городском училище, с 1862 г. – также в новой классической гимназии. Создал первые в стране Дома трудолюбия с целью помощи неимущим (в Кронштадте – в1882 г.), ясли, странноприимные, ночлежные дома и прочие благотворительные заведения. Основал 4 женских монастыря и более 50 подворий. В Санкт-Петербургской епархии освятил несколько десятков церквей. В 1874 г. создал в Кронштадте «Попечительство св. ап. Андрея Первозванного», состоял почетным членом Александро-Свирского братства.

Св. Иоанн обладал дарами исцелений и прозорливости, был крупнейшим церковным благотворителем последней трети XIX – начала XX вв. С 1880-х гг. получил широкую известность в России и за границей. О. Иоанну – единственному пастырю Русской Церкви – было предоставлено право совершать общие исповеди. Ежегодно в Кронштадт к нему приезжало до 80 тыс. паломников; в Андреевском соборе собиралось до 5-6 тыс. молящихся. Практически ежедневно он посещал Санкт-Петербург. В октябре 1894 г. был призван императором Александром III, облегчить его предсмертные страдания, 17 октября причащал императора. Писатель, он вел духовный дневник – выдающийся богословско-назидательный труд. В 1894 г. вышло его первое издание «Моя жизнь во Христе». С 1893 г. – почетный член Санкт-Петербургской Духовной академии. В годы Первой русской революции 1905-1907 гг. избран почетным членом Союза русского народа, резко выступая против революционеров и обличая в них, в первую очередь, безбожие. К концу жизни о. Иоанн получил все отличия, которых мог быть удостоен православный священник: он являлся митрофорным протоиереем (6 мая 1899 г.), имел высшие награды империи (в том числе ордена Свв. Анны, Владимира и Александра Невского – 9 декабря 1905 г.), в декабре 1906 г. стал присутствующим членом Священного Синода.

3 июня 1964 г. Собор епископов Русской Православной Церкви Заграницей причислил о. Иоанна к лику Святых. Русская Православная Церковь канонизировала его на Поместном Соборе 7-8 июня 1990 г., прославление совершилось 14 июня 1990 г.

Я — сын причетника села Сурского, Пинежского уезда, Архангельской губернии. С самого раннего детства, как только я помню себя, лет четырёх или пяти. А может быть и менее, родители приучили меня к молитве и своим религиозным настроением сделали из меня религиозно-настроенного мальчика. Дома, на шестом году, отец купил для меня букварь, и мать стала преподавать мне азбуку; но грамота давалась мне туго, что было причиной немалой моей скорби. Никак не удавалось мне понять связь между нашей речью и письмом; в моё время грамота преподавалась не так как сейчас: нас всех учили: «азъ», «буки», «веди» и т.д., как будто «а» — само по себе, а «азъ» — само по себе. Долго не давалась мне эта мудрость, но будучи приучен отцом и матерью к молитве, скорбя о неуспехах своего учения, я горячо молился Богу, чтобы Он дал мне разум — и я помню, как вдруг спала точно пелена с моего ума, и я стал хорошо понимать учение. На десятом году меня повезли в Архангельское приходское училище. Отец мой получал, конечно, самое маленькое жалование, так что жить, должно быть, приходилось страшно трудно. Я уже понимал тягостное положение своих родителей, и поэтому моя непонятливость к учению была действительно несчастьем. О значении учения для моего будущего я думал мало и печалился, особенно о том, что отец напрасно тратил на моё содержание свои последние средства. Оставшись в Архангельске совершенно один, я лишился своих руководителей и должен был до всего доходить сам. Среди сверстников по классу я не находил, да и не искал себе поддержки или помощи; они все были способнее меня, и я был последним учеником. На меня напала тоска. Вот тут и обратился я за помощью к Вседержителю, и во мне произошла перемена. В короткое время я продвинулся вперёд настолько, что уже перестал быть последним учеником. Чем дальше, тем лучше и лучше я преуспевал в науках, и к концу курса одним их первых был переведён в семинарию, в которой окончил курс первым учеником в 1851 году и был послан в Петербургскую Академию за казённый счет. Ещё будучи в семинарии, я лишился нежно любимого отца, и старушка мать осталась без всяких средств к существованию. Я хотел прямо из семинарии занять место дьякона или псаломщика, чтобы иметь возможность содержать её, но она горячо воспротивилась этому, и я отправился в Академию. В академическом правлении тогда занимали места письмоводителей студенты за самую ничтожную плату (около десяти рублей в месяц), и я с радостью согласился на предложение секретаря академического правления занять это место, чтобы отсылать эти средства матери. Окончив курс кандидатов богословия в 1855 г. я поехал священником в Кронштадт, женившись на дочери протоиерея К.Н. Несвитского, Елизавете, находящейся в живых и до сих пор; детей у меня нет и не было. С первых же дней своего высокого служения церкви, я поставил себе за правило: сколь возможно искреннее относиться к своему делу, пастырству и священнослужению, строго следить за своей внутренней жизнью. С этой целью прежде всего принялся я за чтение священного писания ветхого и нового завета, извлекая из него все назидательное для себя, как для человека вообще и священника в особенности. Потом я стал вести дневник, в котором записывал свою борьбу с помыслами и страстями, свои покаянные чувства, свои тайные молитвы к Богу и свои благодарные чувства за избавление от искушений, скорбей и напастей. В каждый воскресный и в праздничный день я произносил в церкви слова и беседы, или собственного сочинения, или проповеди митр. Григория. Некоторые из моих бесед изданы и весьма много осталось в рукописи. Изданы беседы «О Пресвятой Троице», «О сотворении мира» и «О блаженствах Евангельских». Кроме проповедничества я возымел попечение о бедных как и я, сам бывший бедняком, — и лет около двадцати назад в 1874 г. провёл мысль об устройстве в Кронштадте «Дома Трудолюбия для бедных», который и помог Господь устроить лет пятнадцать тому назад. — Вот и всё!

(Единственная автобиография святого была опубликована в 1888 года в журнале «Север»)

Кондак 1
Избранный угодниче и преславный чудотворче, отче праведный Иоанне, града Кронштадта преславное украшение! Ты, от младенства Христу последуя, сораспятися Ему возжелел еси и, жизнь твою в Нем утвердив, дар чудес от Бога приял еси и словом живоносным всех напитал еси. Мы же, недостойнии, благодарне вопием ти:

Радуйся, Иоанне, земли Российския молитвенниче предивный.

Икос 1

Ангела светла, еще отрок сый, яве узрел еси, отче Иоанне, иже и рече ти, яко повелением Господним приставлен хранити тя во всех путех твоих. Темже яко избранника Божия, ведуще тя, взываем сице:

Радуйся, благодати Божия сосуде избранный;

радуйся, словом Божиим измлада наставленный.

Радуйся, во отрочестве явления Ангела Хранителя сподобивыйся;

радуйся, от юности водительству Духа Святаго предавыйся.

Радуйся, родителей боголюбивых благочестие восприемый;

радуйся, целомудрием и чистотою себе оградивый.

Радуйся, духовным наставником твоим всем сердцем внимавый;

радуйся, почитанием родителей благоволение Божие стяжавый.

Радуйся, Иоанне, земли Российския молитвенниче предивный.

Кондак 2

Провидя, богоносне отче Иоанне, яко многия беды и соблазны грядут на Церковь Русскую и чада Божия гонима будут, увещал еси люди, глаголя: покайтеся, стойте в вере Православней, крепитеся и славите Господа, взывающе Ему: Аллилуиа.

Икос 2

Разумом Божественным наставляемь, всеблаженне отче Иоанне, светом истиннаго Богопознания всех, приходящих к тебе, просвещал еси. Мы же, писаньми твоими научаеми, вопием ти таковая:

Радуйся, евангельский Истины пламенный служителю;

радуйся, глаголов жизни вечныя немолчный возвестителю.

Радуйся, праведным житием твоим Богу угодивый;

радуйся, Церковь Божию писании твоими прославивый.

Радуйся, Крест Христов пред очима твоима выну созерцавый;

радуйся, сораспятися Христу вседушне возжелавый.

Радуйся, Бога и ближних всем сердцем возлюбивый;

радуйся, людем, в скорбех и печалех сущим, утешение подававый.

Радуйся, Иоанне, земли Российския молитвенниче предивный.

Кондак 3

Силою Божественныя благодати, яко светильник многосветлый Православныя Церкве, во граде Кронштадте просиял еси, праведне Иоанне, и люди, во тьме греховней седящия и соблазном богоборчества смущаемыя, просветив, наставлял еси пети Богу: Аллилуиа.

Икос 3

Имея любовь пастырскую, праведне отче Иоанне, потекл еси к людем, неимущим крова и хлеба насущнаго и во отчаянии погибающим, и сих любовию и милосердием Христу приобрел еси. Мы же благодарне взываем ти сице:

Радуйся, в храме Божии дерзновенный о людех молитвенниче;

радуйся, сирым и вдовицам милостивый помощниче.

Радуйся, окамененныя сердцем к покаянию побуждаяй;

радуйся, неведущия Бога Божественною премудростию просвещаяй.

Радуйся, стропотных и злонравных тихое исправление;

радуйся, ленивых и маловерных ревностное обличение.

Радуйся, Царствия Божия и правды его проповедниче неустрашимый;

радуйся, противу козней духов злобы поднебесных воителю неустанный.

Радуйся, Иоанне, земли Российский молитвенниче предивный.

Кондак 4

Бурю злочестия, воздвизаему на Церковь нашу святую, провидя, отче Иоанне, яко верный страж дому Господня, поучал еси чада Божия бдети, во истинней вере право ходити и в заповедех Господних непорочно пребывати, да спасет Господь люди Своя, в покаянии Ему зовущия: Аллилуиа.

Икос 4

Слышаще людие Божии, яко ты еси, отче Иоанне, сосуд избранный и благодатных даров преисполненный, не токмо от Кронштадта, но и от всех концев земли к тебе притекаху, яко да исцеления и помощь улучат. С нимиже и мы, яко ходатаю пред Богом теплу, умильно зовем ти:

Радуйся, сеятелю правды, алчущия жизни вечныя напитавый;

радуйся, обличителю неправды, верныя от прелести греховныя ограждавый.

Радуйся, заблудшим и неразумным путь к Богу указуяй;

радуйся, писаньми твоими чада Божия наставляяй.

Радуйся, скорбящих и обремененных присное упование;

радуйся, болящих и страждущих благодатное врачевание.

Радуйся, сосуде избранный, дарами Духа Святаго дивно украшенный;

радуйся, светильниче всесветлый, на свещнице церковнеу Богом поставленный.

Радуйся, Иоанне, земли Российския молитвенниче предивный.

Кондак 5

Яко звезда многосветлая, священнолепным житием твоим просиял еси, пастырю Христов Иоанне! Ты бо, стадо Богом врученное тебе, от волков, губящих е, ограждал еси, взывая: покайтеся и живи будете, отымите лукавство от душ ваших, да чистым сердцем Бога узрите и воспоете Ему: Аллилуиа.

Икос 5

Ведая множество людей, утешения чающих, яко апостол Христов, обходил еси грады и веси Российския, чудотворче изящне, сея слово Божие, исцеляя недужныя и маловерныя исправляя, быв всем вся, да всяко некия спасутся. Мы же, болезни и труды твоя почитающе, вопием ти сице:

Радуйся, яко силою благодати немощныя укреплял еси;

радуйся, яко молитвами твоими грешныя к покаянию приводил еси.

Радуйся, алчущия и жаждущия по заповеди Господней насыщавый;

радуйся, благовестием Христовым люди к правде Божией приводивый.

Радуйся, молитвами твоими маловерныя в вере укреплявый;

радуйся, силою Божиею немощным здравие подававый.

Радуйся, землю нашу благоговейно с проповедию обходивый;

радуйся, мир сей, яко премудрое творение Божие, воспевавый.

Радуйся, Иоанне, земли Российския молитвенниче предивный.

Кондак 6

Проповедницы чудных деяний твоих, блаженне Иоанне, явишася мнози: богатии и нищии, старцы и юноши, ты бо всем любовь твою изливал еси богатно. Темже не токмо православнии, но и иновернии силою молитв твоих милость Божию обретаху, поюще Богу: Аллилуиа.

Икос 6

Возсиял еси житием твоим в Церкви Православней паче сияния севернаго, блаженне Иоанне, путь правый людем указуя. Темже моли Господа сил, да любовь святая утвердится в сердцах наших, во еже ни скорбь, ни теснота, ни смерть, ни блага мира сего возмогут разлучити нас от любве Божия, благодарне тебе вопиющих:

Радуйся, веру Православную в чистоте хранити завещавый;

радуйся, тесным путем заповедей Христовых ходити поучавый.

Радуйся, в скорбех и печалех сущим радость подававый;

радуйся, к истинному покаянию грешники призывавый.

Радуйся, Божиим смотрением грядущая нам возвещавый;

радуйся, от сетей вражиих отечество наше ограждавый.

Радуйся, мир с Богом свято хранити заповедавый;

радуйся, словом истины и любовию верным людем послуживый.

Радуйся, Иоанне, земли Российския молитвенниче предивный.

Кондак 7

Хотя Всеблагий Господь спасти люди земли нашея и уготовати я к жертвенному служению, исполни тя, всеблаженне Иоанне, духа пророчества, премудрости и разума, яко да, словом твоим наставлени, во дни грядущих испытаний непоколебимо вопиют Богу: Аллилуиа.

Икос 7

Новаго избранника Божия, всеблаженне Иоанне, ведуще тя боголюбивии людие, на всяк день Жертву безкровную приносяща и со дерзновением за всех Христу молящася, с верою к тебе притекаху и исцеляхуся. Темже и мы, исполненнии твоих благодеяний, с любовию воспеваем ти сицевая:

Радуйся, у Престола Божия прилежный о нас молитвенниче;

радуйся, истиннаго покаяния усердный проповедниче.

Радуйся, яко неленостно работати Христу Богу нас наставляеши;

радуйся, яко стояти на божественней стражи нас призываеши.

Радуйся, образ воздержания и целомудрия верным явивый;

радуйся, паству твою от ересей и раскола мудре защитивый.

Радуйся, сущих во тьме неведения ревностный просветителю;

радуйся, душ человеческих от суеты житейския дивный оградителю.

Радуйся, Иоанне, земли Российския молитвенниче предивный.

Кондак 8

Странное чудо видим, явленное тебе, предивный пастырю Христов Иоанне! Тя бо и люди верныя Сама Пречистая Мати Божия яко милейшая чада Отца Небеснаго нарече. Сего ради мы, сими словесы утешаеми, вопием Царю веков: Аллилуиа.

Икос 8

Весь желанием Божественным распаляемь, любве Христовы преисполнился еси, пастырю добрый! Мы же, нерадивии, сокровищ ея не стяжавше, многих скорбей и печалей достойни явихомся. Обаче, ведуще тя помощника неусыпна, со упованием взываем ти сице:

Радуйся, любве Христовы сосуде избранный;

радуйся, явления Божия Матере удостоенный.

Радуйся, Церкве Христовы неугасающий светильниче;

радуйся, о всем мире ходатаю и печальниче.

Радуйся, мира и правды Божия ревнителю;

радуйся, благочестия и добронравия насадителю.

Радуйся, Российския Церкве похвало и украшение;

радуйся, земли нашея благодатное утверждение.

Радуйся, Иоанне, земли Российския молитвенниче предивный.

Кондак 9

Всем людем, в неведении, скорбех и печалех сущим, воздвиже тя Господь пастыря и чудотворца предивна, отче Иоанне, еже грешныя на путь правый наставити, неверныя к Богу обратити и болящия исцелити, да согласно воспоют вси спасительную песнь: Аллилуиа.

Икос 9

Витии многовещаннии безгласни быша о благодати данней тебе, Иоанне предивне, егда словом единем люди от греха к покаянию приводил еси, недужныя от одра болезни воздвизал еси, бесы изгонял еси. Мы же, яко чудотворца и угодника Божия, прославляем тя сице:

Радуйся, страстьми одержимых дивный врачевателю;

радуйся, в долгонедужии сущих безмездный целителю.

Радуйся, отпадшия к Богу приводивый;

радуйся, безбожныя грозно обличавый.

Радуйся, кающихся кроткий наказателю;

радуйся, милостыни щедрый подателю.

Радуйся, христианскаго просвещения и благочестия ревностный насадителю;

радуйся, юных по стезям правды мудрый путеводителю.

Радуйся, Иоанне, земли Российския молитвенниче предивный.

Кондак 10

Спасти хотя люди Российския, ересьми и неверием соблазняемыя, отче Иоанне, козни бесовския обличил еси и православное исповедание веры твердо явил еси. Сего ради Царствия Небеснаго достигл еси, идеже со Ангелы и лики святых непрестанно о нас молиши Бога и поеши Ему: Аллилуиа.

Икос 10

Стена тверда явился еси людем страждущим, от всех концев земли Российския к тебе приходящим, богоносне отче Иоанне. Темже и нас, бедствующих и немощствующих душею и телом, укрепи молитвами твоими, ими же ограждаемы, приносим ти похвалы сия:

Радуйся, светильниче неугасимый, огнем Духа Святаго возжженный;

радуйся, крине благоухающий, росою благодати Божия напоенный.

Радуйся, лозо многоплодная, благодатными дары верных питающая;

радуйся, соле земли, от греховнаго тления нас сохраняющая.

Радуйся, в мори житейстем обуреваемым тихое пристанище;

радуйся, душевне и телесне изнемогающим благое вспоможение.

Радуйся, сердцеведче премудрый, верныя люди от мудрования мира сего ограждаяй;

радуйся, сеятелю Христов, сиянием евангельским сердца многих увеселяяй.

Радуйся, Иоанне, земли Российския молитвенниче предивный.

Кондак 11

Песнь достохвальную приносим ти, отче Иоанне, всем житием твоим Бога прославльшему. И якоже на земли за всех и за вся Владыку мира умолял еси, сице и ныне на Небеси вознеси молитвы твоя, да во отечествии нашем присно воспевается Богу победная песнь: Аллилуиа.

Икос 11

Светозарную свещу вемы тя, Богом избранне отче Иоанне, ты бо и по отшествии от земных к Небесным у Престола Божия в сонме святых и сил ангельских о нас присно ходатайствуеши. Сего ради благодарственно взываем ти сице:

Радуйся, яко в подвизе твоем Имя Пресвятыя Троицы дивно прославися;

радуйся, яко благочестием и верою твоею Церковь Христова украсися.

Радуйся, пастырей богомудрый наставниче;

радуйся, инокинь добрый учителю.

Радуйся, супруги соуз брачный свято хранити поучавый;

радуйся, чада почитати родители своя увещававый.

Радуйся, яко состраданием твоим к ближним скорби и печали утоляются;

радуйся, яко молитвами твоими грешницы на путь спасения обращаются;

Радуйся, Иоанне, земли Российския молитвенниче предивный.

Кондак 12

Благодатных даров Духа Святаго исполни тя Господь, отче наш Иоанне, имиже ревностно послужил еси народу Божию. Вознеси молитву к Богу и о нас, да, веры, надежды и любве достигше, причастницы жизни во Христе будем и сподобимся воспевати благодарственную песнь: Аллилуиа.

Икос 12

Поюще твое достохвальное житие на земли и славу, юже стяжал еси на Небеси, отче Иоанне, притекаем во обитель тобою созданную и припадаем к гробнице твоей, от неяже исцеления и помощь улучающе, возглашаем ти сицевая:

Радуйся, проповедниче изрядный, пророком и апостолом добре поревновавый;

радуйся, пастырю земли Российския, Богом избранный и прославленный.

Радуйся, обитель преподобнаго покровителя твоего Иоанна Рыльскаго дивно устроивый;

радуйся, обителию сею град святаго Петра славно украсивый.

Радуйся, в возсозданную обитель инокини собираяй;

Радуйся, яко отец чадолюбивый, присное попечение о них имеяй.

Радуйся, всем притекающим к тебе скорое вспоможение подаваяй;

Радуйся, образ добраго пастыря словом, житием и верою нам явивый.

Радуйся, Иоанне, земли Российския молитвенниче предивиый.

Кондак 13

О святый праведный отче Иоанне, всероссийский светильниче и предивиый чудотворче! Приими хвалебное сие пение наше и умоли Христа Бога Церковь святую в благочестии утвердити, единство в союзе мира и любве Христовы соблюсти, да и мы воспоем с тобою Богу: Аллилуиа.

Сей кондак глаголи трижды.
Посем икос 1 и кондак 1.

ТРОПАРЬ, глас 1

Православныя веры поборниче,/ земли российския печальниче,/ пастырем правило и образе верным,/ покаяния и жизни во Христе проповедниче,/ божественных таин благоговейный служителю/ и дерзновенный о людях молитвенниче,/ отче праведный Иоанне,/ целителю и предивный чудотворче,/ граду Кронштадту похвало, и церкве нашея украшение,/ моли всеблагаго Бога/ умирити мир и спасти души наша.

КАНОН, глас 1

Припев: Святый праведный отче Иоанне, моли Бога о нас.

Песнь 1

Ирмос: Песнь победную поим вси Богу, сотворшему дивная чудеса мышцею высокою, и спасшему Израиля, яко прославися.

Чистоту помышлений даждь ми, Спасе мой, еже воспети чистотою Ангелом подобнаго, праведнаго Иоанна персвитера, яко Ангела Господа Вседержителя.

Еже любити Христа и Ему служити, Иоанне святе, делом и словом исполнил еси во священстве верным образ быв словом и житием.

Иоанну Крестителю подражая, ты, отче Иоанне праведне, образ воздержания, целомудрия и девственника чистоту явил еси.

Богородичен: Облагодати нас, Мати Божия, еже к богоугождению житие наше управити, да Твоею помощию и молитвами праведнаго Иоанна живот вечный наследуем.

Песнь 3

Ирмос: Камень, егоже небрегоша зиждущии, сей бысть во главу угла: той есть камень, на немже утверди Церковь Христос, юже от язык искупи.

Апостольски трудился еси от утра пастырскаго жития твоего даже до вечера, отче Иоанне, николиже в любви к Богу и ближнему оскудевая.

Небеснаго Царствия взыскуя, усердный делатель благих на земли явился еси, молитвою веры недуги исцеляя и заблуждшия к покаянию призывая, святе.

Никогоже отвращался еси, точию отвергающихся Господа Иисуса Христа и Церкве Его Святыя, ейже сыны века сего противляются. Но и о сих заблуждших в скорби мнозей моление твое к Богу возносити не преставал еси.

Богородичен: Единение верных в Церкви Сына Твоего и Бога нашего сохрани, Пречистая Дево Мати, да присно в любви Христове друг ко другу утвердимся.

Седален, гл. 2

Мы, немощнии, к тебе, праведне Иоанне, яко сильному молитвеннику пред Богом, притекаем, просяще недугом душевным и телесным исцеления, в скорбех о гресех наших покаянием избавления, стране нашей и людем ея мирное жительство и вся потребная ко спасению.

Слава, и ныне:

Богородичен: Отроковице Благодатная, Мати Безневестная, Надеждо нашего спасения, даждь нам в вере утверждение и во благочестивем житии преуспеяние, в скорбех и печалех утешение. Тя бо, яко рождшую Спаса Христа, присно величаем.

Песнь 4

Ирмос: Духом провидя пророче Аввакуме Словесе воплощение, проповедал еси вопия, внегда приближитися летом, познаешися: внегда приити времени, покажешися, Слава силе Твоей, Господи.

Ложное мудрование сынов века сего, возстающих противу истины Святыя Церкве Христовы, отвергл еси, святе Иоанне, словом и житием Православие утверждал еси, поя: слава силе Твоей, Господи.

Имя Христово присно в сердце нося, святому Богоносцу Игнатию подражая, в себе самом всякое приражение греха истребил еси, поя: слава силе Твоей, Господи.

Сила Божия, в немощи совершающаяся, яви тя дивнаго чудотворца, целителя недужных и немощных, учителя покаяния, молитвы делателя, поющая: слава силе твоей, Господи.

Богородичен: Явилася еси, Владычице Богородице, благодатная помощница праведному пресвитеру Иоанну, присно молящемуся Ти и Сыну Твоему, и благодарно поющему: слава силе Твоей, Господи.

Песнь 5

Ирмос: Твой мир даждь нам, Сыне Божий, иного бо разве Тебе Бога не знаем: Имя Твое именуем, яко Бог живых и мертвых еси.

Благо мне, яко смирил мя еси, Господи, сице молился еси, терпя поношения хулителей твоих, святе Иоанне, храня мир сердца твоего непрестанною молитвою и незлобием.

Облекся во Христа верою и причастием Святых Таин, был еси тверд, яко скала, глаголя: мне Христос полнота всех благ, Живот и Мир, превосходяй всяк ум.

Господни трапезы присно причащаяся, стяжал еси свет Христов, просвещающий всякаго человека, грядущаго в мир. Сим же и нас просвети, Иоанне светоносче, тя почитающих.

Богородичен: Ужасошася всяческая о божественней славе Твоей, Пречистая Дево, общники славы Твоея соделай и нас, Тя присно ублажающих.

Песнь 6

Ирмос: Пророка Иону подражая вопию: живот мой, Блаже, свободи из тли, и спаси мя, Спасе мира, зовуща: Слава Тебе.

Оживляя душу непрестанною ко Господу молитвою, сице взывал еси, Иоанне богомудре: Господи, даждь ми любити всякаго человека, яко самаго себе. Сию добродетель помози и нам стяжати.

Призывая имя Божие во спасение твое, спасению многих послужил еси. Да пребудем и мы в единении с Богом и любви между собою, молимтися, отче Иоанне.

Разум богопросвещенный стяжал еси, Иоанне премудре, о Святей Троице богословствовал еси, призывая в простоте сердца веровати.

Богородичен: Избавителя нашего неизреченно рождшая, Пресвятая Дево, буди нам грешным прибежище спасения и вечныя жизни Ходатаица.

Кондак, гл. 3

Днесь пастырь Кронштадтский предстоит Престолу Божию и усердно молит о верных Христа Пастыреначальника, обетование давшаго: созижду Церковь Мою и врата адова не одолеют ея.

Икос:

Восхвалим, верни, дивнаго пастыря Кронштадтскаго, благодати тезоименитаго, светильника присногорящаго у престола Святыя Троицы, с Богородицею и со всеми святыми земли Российския молящагося о спасении всех, имя Господне призывающих, да укрепится в стране нашей Православие силою Христа Пастыреначальника, обетование давшаго: созижду Церковь Мою и врата адова не одолеют ея.

Песнь 7

Ирмос: Сущим в пещи отроком Твоим, Спасе, не прикоснуся, ниже стужи огнь. Тогда трие, яко единеми усты пояху, и благословляху, глаголюще: благословен Бог отец наших.

Настави нас, пастырю добрый, жизни во Христе, по слову бо твоему, велико делание есть, еже побеждати грех, в нас живущий. Помолися, да не опалится душа наша пламенем его.

Очищение наше и избавление есть Христос Спаситель, Емуже мы, пастырю пречудный, о нашем духовнем возрождении, чрез покаяние и исправление, помолися.

Силою Духа Святаго в непрестанней молитве безстрастие стяжавый, добрый пастырю Иоанне, от страстей любогреховных нам избавитися, помолися.

Богородичен: Яви нам милость Твою, Богородице Дево, Мати Живота, к Тебе с верою притекающим и Сыну Твоему и Богу покаяние приносящим.

Песнь 8

Ирмос: Егоже ужасаются ангели, и вся воинства, яко Творца и Господа, пойте, священницы, прославите, отроцы, благословите, людие, и превозносите во вся веки.

Щедрою рукою твоею милостыню просящим подавал еси, Иоанне милостиве. Не веде бо шуйца, еже твори десница твоя, тщету бо земнаго стяжания на небесная пременил еси.

Имущему дано будет и преизбудет, рече Господь, так и ты, отче Иоанне, тщанием велим благодать Духа Святаго стяжал еси, еюже и нас молитвами твоими ныне ущедри.

Хранение устом полагая, николиже суетная возглаголал еси, Иоанне, закона Господня взыскуя, и нас в нем ходити присно научаеши.

Богородичен: Тя, Богородицу, вышшую небес и чистшую светлостей солнечных, в песнех немолчных воспевают Херувими и Серафими. С ними же и мы, недостойнии, Тя ублажаем.

Песнь 9

Ирмос: Живоприемный источник приснотекущий, светоносный светильник благодати, храм одушевленный, сень пречистую, небесе и земли пространнейшую, Богородицу вернии величаем.

Иисуса Христа Пастыреначальника образ в себе нося, Иоанне уготовал еси по вся дни душу твою за паству полагати, и во гресех погибающих, к Богу обращати.

Приносящих ти похвалу сию, отче Иоанне, не отрини, но милость Христа Бога испроси к прощению многих прегрешений.

Очима твоима присно взирая ко Господу, отче Иоанне, врата сердца твоего отверста Ему имел еси. Да отверзется и нам дверь покаяния молитвами твоими.

Богородичен: Христа Бога нашего, прежде век от Отца рожденнаго без матери, Рождшагося же от Тебе без отца нас ради, моли, Чистая Богоневесто, да спасение улучим, Тя величающе.

Светилен:

Весь исполнился еси Света Христова, освятив себе Богови, просвети и нас светом благодати Духа Святаго молитвами твоими, Иоанне светоносне.

Слава, и Ныне:

Богородичен: Ангели на Небеси и человецы на земли Тя, Богородице, яко Матерь Света, непрестанно величаем.

Молитва святому праведному Иоанну Кронштадтскому

О великий чудотворче и предивный угодниче Божий, богоносне отче Иоанне! Призри на нас и внемли благосердно молению нашему, яко великих дарований сподоби тя Господь, да ходатаем и присным молитвенником за нас будеши. Се бо страстьми греховными обуреваеми и злобою снедаеми, заповеди Божия пренебрегохом, покаяния сердечнаго и слез воздыхания не принесохом, сего ради многим скорбем и печалем достойни явихомся.

Ты же, отче праведный, велие дерзновение ко Господу и сострадание к ближним своим имея, умоли всещедраго Владыку мира, да пробавит милость Свою на нас и потерпит неправдам нашим, не погубит нас грех ради наших. Но время на покаяние милостивно нам дарует.

О святче Божий, помози нам веру православную непорочно соблюсти и заповеди Божии благочестно сохранити, да не обладает нами всякое беззаконие, ниже посрамится правда Божия в неправдах наших, но да сподобимся достигнути кончины христианския, безболезненныя, непостыдныя, мирныя и Таин Божиих причастныя.

Еще молим тя, отче праведне, о еже Церкви нашей Святей до скончания века утвержденней быти, Отечеству же нашему мир и пребывание испроси и от всех зол сохрани, да тако народи наши, Богом храними, в единомыслии веры и во всяком благочестии и чистоте, в лепоте духовнаго братства, трезвении и согласии свидетельствуют: яко с нами Бог! В нем же живем и движемся, и есмы, и пребудем во веки. Аминь.

Молитва первая

О великий угодниче Христов, святый праведный отче Иоанне Кронштадтский, пастырю дивный, скорый помощниче и милостивый предстателю!

Вознося славословие Триединому Богу, ты молитвенно взывал еси:

Имя Тебе — Любовь: не отвергни мене заблуждающагося.

Имя Тебе — Сила: укрепи мене изнемогающаго и падающаго.

Имя Тебе — Свет: просвети душу мою, омраченную житейскими страстьми.

Имя Тебе —  Мир: умири мятущуюся душу мою. 

Имя Тебе — Милость: не престай миловати мя.

Ныне благодарная твоему предстательству всероссийская паства молится тебе:

Христоименитый и праведный угодниче Божий!

Любовию твоею озари нас, грешных и немощных, сподоби нас принести достойныя плоды покаяния и неосужденно причащатися Святых Христовых Таин. Силою твоею веру в нас укрепи, в молитве поддержи, недуги и болезни исцели, от напастей, врагов видимых и невидимых избави.

Светом лика твоего служителей и предстоятелей алтаря Христова на святыя подвиги пастырскаго делания подвигни, младенцем воспитание даруй, юность настави, старость поддержи, святыни храмов и святыя обители озари!

Умири, чудотворче и провидче преизряднейший, народы страны нашея, благодатию и даром Святаго Духа избави от междоусобныя брани, расточенныя собери, прельщенныя обрати и совокупи Святей Соборней и Апостольстей Церкви.

Милостию твоею супружества в мире и единомыслии соблюди, монашествующим в делех благих преспеяние и благословение даруй, малодушныя утеши, страждущих от духов нечистых свободи, в нуждах и обстояниих сущих помилуй и всех нас на путь спасения настави.

Во Христе живый, отче наш Иоанне, приведи нас к Невечернему Свету жизни вечныя, да сподобимся с тобою вечнаго блаженства, хваляще и превозносяще Бога во веки веков. Аминь.

Молитва вторая

О великий чудотворче и предивный угодниче Божий, богоносне отче Иоанне! Призри на нас и внемли благосердно молению нашему, яко великих дарований сподоби тя Господь, да ходатаем и присным молитвенником за нас будеши. Се бо страстьми греховными обуреваеми и злобою снедаеми, заповеди Божия пренебрегохом, покаяния сердечнаго и слез воздыхания не принесохом, сего ради многим скорбем и печалем достойни явихомся.

Ты же, отче праведне, велие дерзновение ко Господу и сострадание к ближним своим имея, умоли Всещедраго Владыку мира, да пробавит милость Свою на нас и потерпит неправдам нашим, не погубит нас грех ради наших, но время на покаяние милостивно нам дарует.

О святче Божий, помози нам веру православную непорочно соблюсти и заповеди Божий благочестно сохранити, да не обладает нами всякое беззаконие, ниже посрамится Правда Божия в неправдах наших, но да сподобимся достигнути кончины христианския, безболезненныя, непостыдныя, мирныя и Тайн Божиих причастныя.

Еще молим тя, отче праведне, о еже Церкви нашей Святей до скончания века утвержденней быти, отечеству же нашему мир и процветание в Правде Божией испроси и от всех зол сохрани, да тако народи наши, Богом храними, в единомыслии веры и во всяком благочестии и чистоте, в лепоте духовнаго братства, трезвении и согласии свидетельствуют: яко с нами Бог! В Немже живем, и движемся, и есмы, и пребудем во веки. Аминь.

Молитва третья

О, святый праведный отче Иоанне, Всероссийский светильниче и предивный чудотворче! Ты от младенческих лет Богом избран был еси и, духом пламенея, яко истинный пастырь, житием, словом, любовию, верою, чистотою людем послужил еси. Сего ради молим тя, праведный отче: моли Человеколюбца Бога Церковь святую миром и тишиною оградити, землю Российскую во благоденствии сохранити, пастыри благодати и истины преизобильно исполнити, власти умудрити, православное воинство укрепити, немощныя исцелити, развращенныя исправити, юныя воспитати, старцы и вдовицы утешити и нам всем во Царствии Небеснем сподобитися со всеми святыми прославляти Отца и Сына и Святаго Духа ныне и присно и во веки веков. Аминь.

Тропарь, глас 1

Православныя веры поборниче, земли Российския печальниче, пастырем правило и образе верным, покаяния и жизни во Христе проповедниче, Божественных Таин благоговейный служителю и дерзновенный о людех молитвенниче, отче праведный Иоанне, целителю и предивный чудотворче, граду Кронштадту похвало и Церкве нашея украшение, моли Всеблагаго Бога умирити мир и спасти души наша.

Кондак, глас 3

Днесь пастырь Кронштадтский предстоит Престолу Божию и усердно молит о верных Христа Пастыреначальника, обетование давшаго: созижду Церковь Мою, и врата адова не одолеют ей.

Величание

Величаем тя, святый праведный отче наш Иоанне, и чтим святую память твою, ты бо молиши за нас Христа Бога нашего.

Благодарю Тя, Господи Боже мой, за дарование мне бытия, за рождение меня в христианской вере, за Пречистую Деву Марию, Ходатаицу о спасении рода нашего, за святых Угодников Твоих, молящихся за нас, за Ангела Хранителя, за общественное богослужение, поддерживающее в нас веру и добродетель, за Священное Писание, за Святые Таинства, а в особенности Тело и Кровь Твою, за таинственные благодатные утешения, за надежду получить Царствие Небесное и за все блага, Тобою мне дарованные.

МОЛИТВЕННОЕ ВОЗЗВАНИЕ КО ПРЕСВЯТОЙ БОГОРОДИЦЕ

О, Владычице! Да не вотще и всуе мы нарицаем Тебя Владычицей: яви и являй присно над нами Твое святое, живое, действенное владычество. Яви, ибо все можеши во благое, яко Мати всеблагая всеблагого Царя; разгоняй мрак сердец наших, отражай стрелы лукавых духов, льстивно на нас движимые. Мир Сына Твоего, мир Твой да царствует в сердцах наших, да все присно радостно восклицаем: кто после Господа, яко Владычица наша, всеблагая, всеблагомощная и пребыстрая Заступница наша? На то Ты возвеличена, Владычица, на то обилие несказанное божественной благодати Тебе дано, на то неизреченное дерзновение и сила у престола Божия и дар всемогущей молитвы даны Тебе, на то Ты неизреченной святостью и чистотой благоукрашена, на то Тебе могущество безприкладное от Господа дано, чтобы Тебе сохранять, защищать, заступать, очищать и спасать нас, наследие Сына Твоего и Бога, и Твое. Спасай же нас, о, Пречистая, Всеблагая, Премудрая и Всеблагомощная! Ты бо еси Мати Спаса нашего, Который из всех имен благоволил более всех называться Спаситель. Нам, странствующим в житии сем, свойственно падать, ибо мы обложены плотью многострастной, окружены духами злобы поднебесными, прельщающими ко греху, живем в мире прелюбодейном и грешном, соблазняющем на грех; а Ты превыше всякого греха, Ты Солнце пресветлое, Ты еси Пречистая, Всеблагая и Всеблагомощная, Тебе свойственно очищать нас, оскверненных грехами, как мать очищает детей своих, если мы воззовем к Тебе смиренно о помощи, Тебе свойственно подымать нас, непрестанно падающих, заступать, охранять и спасать нас, наветуемых от духов злобы, и наставлять нас шествовать ко всякому пути спасительному.

МОЛИТВА КО ГОСПОДУ

Господи! Имя Твое -Любовь — не отвергни меня, заблуждающегося.
Имя Тебе Сила — укрепи меня, изнемогающего и падающего.
Имя Тебе Свет — просвети мою душу, омраченную житейскими страстями.
Имя Тебе Мир — умири мятущуюся душу мою.
Имя Тебе Милость — не переставай миловать меня. Аминь.

МОЛИТВА УТРЕННЯЯ

Боже! Творче и Владыко мира! призри милостиво на создание Твое, украшенное Твоим божественным образом в сии утренние часы: да живит, да просветит Твое Око, тьмами тем крат светлейшее лучей солнечных, мою душу темную и умерщвленную грехом. Отыми от меня уныние и леность, даруй же мне веселие и бодрость душевную, да в радовании сердца моего славлю Твою благость, святость, Твое беспредельное величие, бесконечные Твои совершенства на всякий час и на всяком месте. Ты бо еси Творец мой и Владыка живота моего, Господи, и Тебе подобает слава от разумных созданий Твоих на всякий час, ныне и присно и во веки веков. Аминь.

МОЛИТВА ОТ ПЬЯНСТВА

Господи, призри милостиво на раба твоего (имя), прельщенного лестью чрева и плотского веселия: даруй ему (имя) познати сладость воздержания в посте и проистекающих от него плодов духа. Аминь

МОЛИТВА ПО ВЫЗДОРОВЛЕНИИ

Слава Тебе, Господи Иисусе Христе, Сыне единородный безначального Отца, едине исцеляяй всякий недуг и всяку язю в людех, яко помиловал мя еси, грешного, и избавил еси мя от болезни моея, не попустив ей развиться и умертвить меня по грехам моим. Даруй мне отныне, Владыко, силу твердо творить волю Твою во спасение души моей окаянной и во славу Твою со безначальным Твоим Отцем и единосущным Твоим Духом, ныне и присно и во веки веков. Аминь.

МОЛИТВА О СПАСЕНИИ КОГО-ЛИБО ОТ ТЕЛЕСНОЙ СМЕРТИ, НАПР. ОТ ПОТОПЛЕНИЯ, ОТ СМЕРТИ ПО ПРИЧИНЕ БОЛЕЗНИ, ОТ ОГНЯ ИЛИ ОТ ДРУГОГО КАКОГО-ЛИБО БЕДСТВИЯ, (ХВАЛЯ ВЕРУ ПРОСЯЩИХ)

Буди благословенна вера ваша, по вере вашей да даст Господь исполнение моей недостойной, маловерной молитве и да приложит мне веру.

МОЛИТВА О ГОРДЫХ И СТРОПТИВЫХ

Господи, научи раба Твоего, в диавольскую гордость впадшего, кротости и смирению, и отжени от сердца его мрак и бремя сатанинской гордыни!

МОЛИТВА О ЗЛОБНЫХ

Господи, блага сотвори раба Твоего сего благодатию Твоею!

МОЛИТВА О СРЕБРОЛЮБИВЫХ И ЖАДНЫХ

Сокровище наше нетленное и богатство неистощимое! Даруй рабу Твоему сему, сотворенному по образу и подобию Твоему, познать лесть богатства, и яко вся земная — суета, сень и соние. Яко трава дни всякаго человека, или яко пучина, и яко Ты, един богатство, покой и радость наша! Ничем не озлобляйся, побеждай всё любовью: всякие обиды, капризы, всякие неприятности семейные. Не знай ничего, кроме любви. Вини всегда искренно себя, признавая себя виновником неприятностей. Говори: я виноват, я грешен. Помни, что как ты немощен, так и ближний, а немощь за немощь уничтожается, и винить нечего немощных и грешных, если они признаются в своей немощи. Диавола, сильного во зле, надо винить.

МОЛИТВА О ЗАВИСТЛИВЫХ

Господи, просвети ум и сердце раба Твоего сего к познанию великих, безчисленных и неизследимых даров Твоих, ихже прият от неисчетных щедрот Твоих, во ослеплении бо страсти своея забы Тебе и дары Твои богатые, и нища себя быти вмени, богат сый благами Твоими, и сего ради зрит прелестне на благая рабов Твоих, имиже, о пренеизглаголанная Благостыня, ущедреши всех, коегождо противу силы его и по намерению воли Твоея. Отьими, всеблагий Владыко, покрывало диавола от очию сердца раба Твоего и даруй ему сердечное сокрушение и слезу покаяния и благодарения, да не возрадуется враг о нем, заживо уловленном от него в свою его волю и да не исторгнет его от руки Твоея.

МОЛИТВА К БОЖИЙ МАТЕРИ

Владычице Богородице! Ты, Коей любовь к христианам превосходит любовь всякой матери земной, всякой жены, внемли нам в молитва наших и спаси нас! Да памятуем мы о Тебе постоянно! Да молимся Тебе всегда усердно! Да прибегаем всегда под кров Твой святый неленостно и без сомнения.

Даждь ми, Господи, любити всякаго ближняго моего, как себя, всегда, и ни из-за чего на него не озлобляться и не работать диаволу.
Даждь ми распять мое самолюбие, гордость, любостяжание, маловерие и прочие страсти.
Да будет нам имя: взаимная любовь; да веруем и уповаем, что для всех нас всё Господь; да не печемся, не беспокоимся ни о чем; да будешь Ты, Боже наш, единым Богом сердца нашего, и, кроме Тебя, ничто.
Да будем мы между собою в единении любви, якоже подобает, и все разделяющее нас друг от друга и от любви отлучающее да будет у нас в презрении, как прах, попираемый ногами. Буди! Буди! Аминь.

Если Бог даровал Самого Себя нам, если Он в нас пребывает и мы в Нем, по неложному слову Его, то чего Он не даст мне, чего пощадит, чего лишит, в чем покинет?
Господь пасет мя, и ничтоже мя лишит (Пс. 22,1).
Итак, будь премного покойна, душа моя, и ничего не знай, кроме любви.
Сия заповедаю вам, да любите друг друга (Ин. 15,17)

МОЛИТВЫ ОБ ИСЦЕЛЕНИИ КО ГОСПОДУ

Господи, возможно Тебе сделать (то) и (то) рабу Твоему (имя); сотвори ему это, ибо имя Тебе — благий Человеколюбец и Всемогущий. Аще мы, лукава суще, умеем даяние блага даяти не токмо чадам, но и чужим, кольми паче Ты даси всевозможныя блага просящим у Тебе. Благий Человеколюбче! Иже тварь единым словом соделавый и из нея человека создавый, посети же неизреченным Твоим человеколюбием падшаго раба Твоего, яко да не погибнет до конца дело руки Твоея. Аминь.

Некто, бывши смертельно болен воспалением желудка девять дней и не получивший ни малейшего облегчения от медицинских пособий, — лишь только причастился в девятый день поутру животворящих Таин, к вечеру стал здоров и встал с одра болезненного. Причастился он с твердою верою. Я молился об нем Господу, чтобы Он исцелил его. Господи! говорил я: исцели раба Твоего от болезни его. Достоин есть, ему же даси сия, любит бо священников Твоих и дары своя присылает им. — Молился и в церкви у престола Господня за литургией, во время молитвы: «иже общия сия и согласныя даровавый нам молитвы…» и пред самыми Тайнами. Я молился между прочим так: Господи! Животе наш! Как мне помыслить легко об исцелении, так Тебе исцелить легко всякую болезнь; как мне помыслить легко о воскресении из мертвых, так Тебе легко воскресить всякого мертвеца. Исцели убо раба Твоего Василия от лютой его болезни и не допусти ему умереть, да не предадутся рыданию жена и дети его, — и благопослушливый Владыка помиловал. А то был на волосок от смерти. Слава всемогуществу, благости и благопослушеству Твоему, Господи!